O vindeiro martes, 13 de outubro proxectaremos no Centro de dinamización de Sada as curtas Ionqui e Dame un plus realizadas polo usuario da aula de Sada Ángel Alonso coas que participa no concurso curtasnarede.es. A proxección das curtas será de 12:00 a 13:00 e está aberta á poboación xeral. Á proxección queremos convidar a toda a poboación de Sada para que veñan coñecer as curtas realizadas polo seu veciño Ángel. As curtas son un claro exemplo de utilización e promoción das novas tecnoloxías e a rede como promoción.
O concurso Curtas na rede está aberto á poboación xeral e nel participan diversas curtas, documentais, micromovies e cápsulas que se poden ver na páxina do concurso. O concurso está organizado pola Secretaría Xeral de Medios da Xunta de Galicia e o Consello da Xuventude de Galicia e a elección das curtas gañadoras será o vindeiro martes, 27 de outubro ás 18:00 no Teatro Colón de A Coruña.
Á proxección no Centro de dinamización de Sada acudirá o propio Ángel Alonso que nos presentará as súas curtas. Ángel xa rodou outras curtas como Desenganchado, Xuntos conta a sida, Se me queres non me pegues ou Corazón dourado coas que que tamén participou en edicións anteriores do concurso e que podedes ver na súa páxina web. As curtas que nos vai presentar o vindeiro martes son:
Ionqui está enmarcada dentro da categoría documental e narra a historia dun rapaz toxicómano na evolución da enfermidade e os problemas que lle causa na súa vida rota pola droga.
Dame un plus está enmarcada dentro da categoría cápsulas e narra as peripecias para conquerir un aumento de soldo a través da ironía social.
Xuntos contra SIDA está enmarcada dentro da categoría cápsulas e ofrécenos diversos datos sobor da sida con musica de Alvaro Muras.
2 Comentarios to "Proxección curtas de Ángel Alonso"
Filed in: actividades, usuarios-as
Hola Victor me gusto muchu tu comentario puedes seguir escriviendo casas tan interesantes como estas.un saludo.
muy interesante la clse